Araudia

Data eta lekua

XII. SORGINEN LASTERKETA 2019ko irailaren 14ean egingo da, goizeko 10:00etan. Irteera eta helmuga Atxondoko Axpe auzoko San Juan plazan izango da, Bizkaian.

Ibilbidea

Probak Urkiolako Natur Parkea zeharkatzen du. 17,8 kilometroko luzera du eta desnibel positiboa 1300 metrokoa da.

Parte-hartzea

18 urtetik gorako atleta, mendizale eta kirolari guztiek dute proban parte hartzeko aukera, beti ere arautegi honetan adierazitako guztia onartu eta zehaztutako baldintza guztiak betetzen badituzte. Bestalde, 15 urtetik gorakoek ere parte hartu ahal izango dute, beti ere gurasoen baimenarekin. 300 parte hartzaileren muga izango da. Antolatzaileak korrikalari orori gomendatzen die mediku-azterketa osoa egitea, esfortzu probarekin.

Hainbat liga edo kopatako puntuagarria

EMF-ko (Euskal mendi federazioa) eta BMF-ko (Bizkaiko mendi federazioa) lasterketen rankingaren barne dago Sorginen lasterketa. Ranking hauetan parte hartu nahi duenak, arautegi hau onartzeaz gain, federazio bakoitzeko arautegia ere onartu beharko du.

Mailak

Gizonezkoen maila

  • ​Kadeteak: 15-17 urte bitartekoak
  • Juniorrak: 18-20 urte bitartekoak
  • Seniorrak: 21-40 urte bitartekoak
  • Beteranoak: 40 urtetik gorakoak

Emakumezkoen maila

  • Kadeteak: 15-17 urte bitartekoak
  • Juniorrak: 18-20 urte bitartekoak
  • Seniorrak: 21-40 urte bitartekoak
  • Beteranoak: 40 urtetik gorakoak

Izen-ematea
www.kirolprobak.com web orriaren bitartez. Izen ematearen epea 2019/04/15ean hasiko da (00:00tan) eta 2019/09/09an amaituko da (23:59tan). Egunean bertan, ezin izango da izen ematerik egin.

Prezioa

Uztailak 15era arte:
13 € – Mendian federatuak
15 € – Mendian federatu gabeak
Uztailak 15etik aurrera:
18 € – Mendian federatuak
20 € – Mendian federatu gabeak
Zenbateko honek zera bermatzen du: proban parte hartzeko eskubidea, erantzukizun zibileko eta ezbeharretarako asegurua, antolakuntzak parte-hartzaileentzako atondutako zerbitzuak erabiltzeko eskubidea, oroigarri bat eta antolakuntzak probarako lor ditzakeen sarien zozketan parte hartzeko aukera.

Seinaleztapena

Ibilbidea behar bezala seinaleztatuta egongo da, kartel adierazleekin eta ageriko baliza-zintekin. Kilometro-erreferentziak ibilbide osoan zehar jarriko dira. Ibilbidetik irteten den korrikalaria probatik baztertua izango da.

Kontrolak

Antolakuntzak kontrol-gune bat jarriko du eta bertatik pasatzea ezinbestekoa izango da.

Hornidura

3 anoa postu atonduko dira, helmugakoaz gain. Postu hauetan produktu energetiko eta freskagarriak eskainiko zaizkie parte-hartzaileei (ura, fruta, janari eta edari energetikoak e.a.). anoa postuen kokapena hau izango da:
1º anoa postua: Zabalandin, Anboto igoten hasi aurretik, 8´5km inguruan.
2º anoa postua: Pagazelain, Anboto jeitsi bezain laster, 10´5km inguruan.
3º anoa postua: Guenzelain, Artolara igo baino lehen, 13´5 km inguruan.

Baztertze arrazoiak

Antolakuntzako arduradunek korrikalaria probatik baztertzeko ahalmena izango dute ondorengo kasu hauetan:
Igarotze-kontroletatik ez pasatzea.
Probako arauak hausten dutenean.
Ezarritako ibilbideari zehatz-mehatz lotzen ez zaionean.
Zaborra ezarritako guneetatik kanpo botatzen denean.
Dortsala ondo ikusteko moduan ez daramatenean.
Antolatzaileek esandakoari jaramonik egiten ez zaionean.
Gainontzeko korrikalariekiko kiroltasunez jokatzen ez denean.
Xede honetarako, probaren amaiera adieraziko duten bi korrikalariren parte-hartzea aurreikusten du antolakuntzak. Baztertua edo kanporatua den parte-hartzaile orok gertuen duen kontrol gunean eman beharko du bere dortsala eta antolatzaileek agindu bezala utzi beharko du proba.

Sariak

Absolutuak (gizon eta emakumeak)

  • Txapela, garaikurra eta 200€
  • Garaikurra eta 150€
  • Garaikurra eta 75€

Kadeteak (gizon eta emakumeak): lehen sailkatuari gure babesleek eskainitako sari bat emango zaio.
Juniorrak (gizon eta emakumeak): lehen sailkatuari gure babesleek eskainitako sari bat emango zaio.
Beteranoak (gizon eta emakumeak): lehen sailkatuari gure babesleek eskainitako sari bat emango zaio.
Atxondon erroldatutako lehen gizon eta emakumea: garaikurra eta otordua Atxondoko jatetxe batean.
Lehen 5 sailkatuei datorren urterako gonbidapena.

Dortsal banaketa

Axpe auzoko frontoian jaso ahal izango dira 8:00etatik 9:30etara.
Dutxa eta zapatila garbitze zerbitzuak
Dutxak Axpeko frontoian egongo dira. Dutxetara sartu aurretik zapatilak garbitzea beharrezkoa izango da, dutxak garbi mantentzeko, eta horretarako mangerak jarriko dira frontoi alboan.

Ingurumena

Lasterketa, bere zatirik handienean, Urkiolako Parke Naturaletatik igarotzen da eta, hau horrela, ingurunea errespetu osoz zaintzeko eta zaborrak kontrol-guneetatik kanpora ez botatzeko eskatuko zaie parte-hartzaile guztiei.

Osasun-Laguntza

Antolakuntzak sorospen eta salbamendu zerbitzuak atonduko ditu ibilbideko puntu estrategikoenetan eta irteera-helmuga gunean.

Segurtasuna

Antolakuntzak, hala adostuz gero, proba ordezko ibilbidetik desbideratzeko, beharrezkotzat jotzen dituen aldaketak egiteko eta, eguraldiak hala eskatzen badu, lasterketa bertan behera uzteko eskubide osoa izango du. Honez gain, antolakuntzak beharrezkoa ikusten badu, zira eramatea derrigortuko da.

Laguntza ezbeharretan

Parte-hartzaileek betekizun izango dute istripuren bat izan duen edonor laguntzea eta kontrol-guneetan edozein ezbeharren berri ematea.
Erantzukizuna
Antolakuntzak erantzukizun oro ukatuko du istripuren bat gertatuz gero edota zabarkeriaz jokatzen bada; eta baita parte-hartzaileen objektu pertsonalei dagokienean ere. Horrela bada, parte-hartzaileek izango dute euren buruari edota hirugarren pertsonei eragindako kalte ororen erantzukizuna.


ONARPENA

Inskripzioa egiterakoan, parte hartzaile guztiek onartzen dute araudi hau ezagutzea eta bertan aipatzen denarekin ados egotea. Inskripzioan emandako datu guztiak, antolatzaileak lasterketaren inguruko funtzioentzat soilik erabiliko ditu. Korrikalari orok, bere parte hartzearekin, lasterketan zehar ateratako irudiak (argazki eta bideoak) sarean edo bestelako komunikabideetan argitaratzeko baimena ematen die antolatzaileei; beti ere, antolakuntzari kontrakoa adieraziz eskaera-idatzi bat bidaltzen ez badio.
Parte hartzaile guztien datuak Euskal Mendizale Federazioari eta Bizkaiko Mendi Federazioari transmitituko zaizkio dagokion Ranking-eko sailkapenak egin ahal izateko
Araudi honetan jasotzen ez diren gainontzeko kontuen osagarri gisa, EMF-FVM-ko mendi lasterketen arautegia jarraituko da, edo antolatzaileen iritziaren araberako erabakiak hartuko dira.